الا قولى يا ...انت راجل ولا زكر...سؤال غريب مش كده؟!!

[ندعوك للتسجيل في المنتدى أو التعريف بنفسك لمعاينة هذه الصورة]

ازيكم يا شباب ويا اجمل بناويت اتمنى تكونوا بخير وتمام

ويا رب الايام اللى جايه تكون احسن لينا ولغيرنا.....المهم انا مش هارغى كتير

موضوعى عنوانه غريب مش كده بس مش موشكله

ما بقتش استبعد حاجه اليومين دول بما اننا بنشوف وبنسمع حاجات كتير

حبيت اوضح بعض المفاهيم اللى يمكن مختلطه عند البعض

سيبنى مالكلام المكلكع اللى مش بيعجب ناس كتير

طبعا معظم الشباب عنده مفهومه الخاص عن الرجوله وكل واحد بيطبقه

بمنظوره الخاص ودا طبعا بيبقى مبنى على قيم ومبادئ

وفى نماذج مش بيبقى على حاجه خالص وللاسف هوا ده المنتشر

بس انا عايزة اوضح ان فى فرق

يمكن المعظم مش عارف بس بيطبقه وخلاص وانا باقول معظم

بس انا فالموضوع ده هاوضح معنى كلمتين مهمين اووى

الرجل والزكر

هالاقى ان ربنا سبحانه وتعالى وضح لينا الفرق بس خسارة قليل اللى عارف

يعنى مثلا

الايه الكريمه((واذن فالناس بالحج يأتوك رجالا))

قال تعالى(( ومن المؤمنين رجالا صدقوا ما عاهدوا الله عليه))

قال تعالى(( الرجال قوامون على النساء))

فى الايات الجميله دى نلاحظ ان المعنى المقصود بالجل هنا كان كلها فمواقف

ما ينفعش فيها غير رجال وهم رجال حق فهذه مواضع لايثبت فيها الا الرجال

ونجد ايضا

قال تعالى(( للزكر مثل حظ الانثيين))

وتقال ايضا عند تحديد نوع المولود بعد ولادته

ومعظمها فى مواقف طلب الدنيا والتصارع على مواريث

فنزكر النوع وليس الصفه

بس للاسف بجد نلاحظ ان زمن كتر فيه الزكور وقل فيه الرجال

بس الامل موجود

سؤالى بقى

موجه للشباب اللى فالمنتدى

يا ترى انت شايف الرجوله ايه من وجهة نظرك؟

يا ريت ويبقى من كرم اخلاقك لو شوفت شخص بتعتبره مثال للرجوله تقولنا عليه يمكن نستفيد منه

الله عليك بقى

لو شوفت موقف رجوله وتحكيهولنا

وطبعا مش هاقولك احكيلنا عن موقف رجولى عملته والا تبقى مش مرجله

وتبقى مشكور بجد لو قلت رايك فالموضوع

وانا رغيت كتير اووى

الف شكر

الرجوله الحق ..(هى أن تتعامل مع الاخرين دونما فضول منك أو سعي ... وراء معرفة كينونتهم أو هويتهم على الاطلاق ..!!!
فقط ما يعنيك في المقام الاول والاخير هي (مواقف الرجوله ) فالرجوله من الممكن أن تصدر من الرجل والمرأه على السواء...