تحت شعار خلوها تصدي ... السعوديون يشنون حملة مقاطعة للسيارة الجديدة...!!!!
و هذه شعارات استخدمها السعوديون.....
السيارات تتكدس في الموانئ للمصدر والمستورد ...!!!
وإحجام عن الشراء..!!!!!
ايه رأيكم فى الكلام ده ؟؟؟؟
طبعا كلنا عارفين معدل دخل الفرد السعودي كام ؟ بالمقارنه بالدول الاخرى ومنها مصر طبعا ....
ده مش مربط الفرس .. !!أو بيت القصيد ..
شوف أنا عاوز أسألك كام سؤال وهاترك الاجابه ليك انته ؟؟ ماشى ياعم ؟؟
لو حبيت تعمل فيها ابن ناس مثلا وجمعت من قوت عيالك وحبيت تركب عربيه .مش هاقول جمعت 100 ألف ولا خمسين ألف ... ولا ...ألف خمسيه... مع الاعتذار للفنا ن حكيم
لألأ.. فقط خمسة الاف جنيه .. ماشي ؟؟ هتلاقى عربيه فى مصر بالمبلغ دة ؟
سأترك الجواب ليك انته .جاوب..!! ما ترد ياعم اتخرصت ليه ؟؟؟ طبعا مكسوف من نفسك؟؟!!ولا هتكسف ليه وانته ذنبك ايه ؟؟ الذنب ذنب ولا د ال..... عموما ماتزعلشى
أنا شكلى كنت هاغلط فيك بدون ما أخد بالى أنا أسف .
طبعا هترد وتقول: لأ طبعا .ولا حتى موتوسيكل أو توك توك صح الكلام ؟؟!!!
طيب شوف يا سيدى .على النقيض من كدة لو حبيت تغير الخمسة الاف جنيه دول بالريا ل يعملوا كام ؟
تحسبها انته ولا أحسبها أنا ؟؟
مش محتاجه حساب.شوف يا عم تقريبا كدة يعملوا حوالى 3500 ريال صح ؟
طيب دلوقتى هتصدقنى فى الكلام اللى هاقوله دلوقتى ولا أحلف ليك علشان تصدق ؟؟
لأ ياعم هاحلف علشان تصدق .
وحياة ميدو اللذيذ عندى.... لألأ ...
والله العظيم أنا صادق فى كل كلمه باقولها وهاقولها .. صدقتنى ؟؟؟؟
طيب علشان تركب سياره فى السعوديه بالمبلغ دة ؟؟؟ تتوقع ينفع ؟؟؟ أيوه ايه المانع ؟؟ وعلي فكره لن يقل موديلها عن 1995 وتخيل انته بأى سيارة فى الموديل دة هيكون حالتها ايه ؟
وللعلم هتكون بحاله جيده جدا جدا ..
ايه مالك اتخضيت ليه كدة ؟
دا أنا حلفت ليك شكلك مش مصدق ؟
أحلف تانى يعنى ؟؟؟
طيب بالله عليك دة كلام يرضى ربنا ؟؟؟ .. دة كلام ينفع ؟؟؟؟؟ .. يا ولا د ال....
طبعا مش انته ياعم .ان كان يرضيك الكلام دة عرفنى . مع الوضع فى الحسبان ان معدل راتب أو متوسط راتب المصرى يتراوح ما بين 200 : 500 جنيه موافقنى طبعا ؟؟ صح؟؟
حط نفسك مكانى ورد انته ..أنا منتظر ردك..سلام يا عم المصرى ... بلادي بلادي .. لكى حبى وفؤادي ...(مصطفى كامل ).. مفيش فايده .. (سعد زغلول).
مفيش فايده ... مفيش فايده .... مفيش فايده ... لألألأ ...أقولك .. ..فيه فايده !!! تيجى نرفع شعار خلوها تصدى ؟؟؟؟
وباذن الله هيكون فيه فايده ..لو خلينا كل شىء فى حيا تنا يصدي ... الا قلوبنا وضمائرنا ... اوعوا تخلوها تصدى .. اوعوا تخلوها تصدى ...
أيه مبتسقفوش ليه ؟؟؟ سلام يا صاحبي ....
الخميس يناير 08, 2009 9:06 am
