فـــــــــــــــــــــــاطـــــــــــــــــمـــــــــــــــــــــه !!!!!!! الجزء الثاني

الأجازة جت وفاطمة فى البيت ............
بتساعد مامتها وبتتفرج على التلفزيون وبتقرى و .............
بتكلم أحمد على التليفون والنت
السنة التانية جت وفاطمة من اوائل الدفعة لكن أحمد يادوب نجح بمادة
أحمد فهم فاطمة أنه نجح علشانها والسنة الجاية ح ينجح بتفوق
فاطمة أبتدى قلبها العبيط يتحرك ناحية أحمد و...............بتحبه
أحمد عرف يلعب عليها لعبة الحب وقدر يقنعها بأنه يتجوزها
طيب روح لبابا ياأحمد
ماأقدرش دلوقتى لأنى مش جاهز
طيب وانا أعمل أيه
نتجوز دلوقتى مع بعض ولما نتخرج نعلن جوازنا
عايزنى أتجوز فى السر
وماله يافاطمة نتجوز احسن ماحد ياخدك منى
لا ياأحمد اخاف
وأحمد فضل يزن ويزن
وخلصت السنة وفاطمة مش راضية وخايفة
قلبها مع أحمد وبتحبه لكن ماتقدرش تعمل كدة

وفى الصيف جه عريس ............ فاطمة جريت تعيط لأحمد وتقوله يتقدم لها
لكن أحمد أتحجج بانه مش جاهز
بالعافية فاطمة رفضت العريس وطلعت فيه العبر
وجت سنة تالتة أول ماقابلها احمد قالها .............
مش قولتلك لازم نحجز بعد بطل ماتطيرى منى
ولقت زميلات كتير عاملين كدة
فاطمة وافقت بعد ألحاح أنها تتجوز أحمد
فاطمة بنت 18 سنة أتجوزت أحمد عرفى
فاطمة وقعت ونهايتها معروفة
فاطمة ضاعت وهى اللى ضيعت نفسها
فاطمة فاقت بس بعد ماأحمد ادها سكة وهى بقت .............
مدام
فاطمة أتخرجت
فاطمة كل عريس يجى لها ترفضه
ماهى خايفة
فاطمة غلطت
غلطت غلط كبير قوى
فاقت وحست بيه لما كبرت زيادة وعرفت قد أيه هى كانت عبيطة وغبية
فاطمة تابت وانابت وعرفت الغلطة فين
لكن فاطمة فى المجتمع مدام
لاهى مطلقة ولا هى آنسة
هى حاجة غريبة
فاطمة بنت 20 سنة ضاعت خلاص؟
مش من حقها تصلح غلطتها وتعيش حياتها بأى صورة
فاطمة يقام عليها الحد وتترجم ولا تتجلد وتتنفى من الأرض
فاطمة علمت أيه؟
أتجوزت عرفى
الله أتجوزت يعنى؟
لا بس العرفى فى السر يبقى مش جواز
وهى ايه اللى عرفها ده بنت 18 سنة
أه هى غلطانة بس مش مسئولة
أه هى تستحق ساعتها الدبح
بس ياما ما بنغلط
اه هى كانت مش كويسة
بس فاقت وعرفت الغلطة وتابت
المفروض يتعمل فيها أيه............حد يدبحها ولا تعمل هى أيه
فاطمة فيه منها 4 مليون فاطمة فى مصر
يعملوا أيه دول
ياترى لو حد جه يخطب فاطمة فيكم وأعترفت له بده يقبل يتجوزها
ياترى لو فاطمة دى أختك ولا بنتك ولا حتى قريبتك تقتلها ولا تعمل فيها أيه
وياترى فاطمة أحسن لها تعمل عملية ترقيع والموضوع يخلص ولا أيه
حد عنده حل لفاطمة..............؟؟؟؟؟؟؟؟؟؟؟؟؟

لا ملهاش حل

بس لو رنا وقعها فواحد ابن حلال وهى تابت وانابت

وهوا صدقها ووثق فيها

يبقى ليه لاء

يبقى ليه نقطع اى حبل فانها عايزة تبىق كويسة

طبعا انا مش باشجع عالغلط

بس طالما هى تابت يبقى خلاص بس لازم تتدفع تمن غلطها

انا لا اعتقد
كل واحد يتحمل غلطة
هيا مش صغيرة
خلى احمد يبقى نفعها

اولا منورين

مشكورين علي رايكم الجميل والله

وعاوزين نشوف راي بقيه الناس بقي

أنا رأيي من رأي ليدي أوف رومانس

مادام هي تابت وعرفت غلطتها يبقي تحل مشكلتها بالحل الموجود

بس موضوع العملية ده المفروض يكون له حد

يعني مش كل واحدة تغلط (( سواء فاهمة أو مش فاهمة )) إنها تعمل عملية وخلاص كأن شئ لم يكن

و ع حد عملي كمان إن العملية تمنها رخيص أوي قرأت ف مقال إنه بيتراوح تمنها من 800 ج : 2000 ج

فلازم يكون فيه حد من وزارة الصحة واللي تعمل العملية دي تكون بتصريح من جهة حكومية تبع وزارة الصحة

وميرسي ليك يا أدمين ع القصة وطرح الموضوع بالشكل الجميل ده

موضوع قديم حبيت انه يرجع تاني