انا مش مزه .................

[ندعوك للتسجيل في المنتدى أو التعريف بنفسك لمعاينة هذه الصورة]

حمله اطلقتها مجموعه من الفتيات المصريات

تحت شعار

قل امرأة.. ولا تقل مزة

الحمله بدأت فعلياتها من يوم الثلاثاء 18 مارس

الحمله
تعتبر دعوة لبداية حركة مناهضة للعنف اللفظي ضد المرأة والمتمثل في
استخدام كلمة "مزة" التي اصبحت دارجة بشكل يجعلها تحل محل كلمة امرأة أو
انثى في العامية المصريه
( ده علي حسب كلامهم )

واول منشور يا اخوانا كان بيقول

CODE
للأسف
كلمة مزة بقت سلاح بيستخدم ضد المرأة في مصر. خلاص الجنس الأنثوي كله بقى
بيصنف على انه مزة, والكلمة بقت على كل لسان وكل الأعمار والمستويات
والطبقات الاجتماعية بتستخدمها. مزة كلمة مقززة, ليها معنى جنسي, وهدفها
اختزال المرأة في جسمها والتحقير من شأنها وفرض مكانة دونية ليها ف المجتمع

مش
ممكن نطالب بحقوق مرأة أو ان الست في مصر توصل لمناصب قيادية وهي مجرد
مزة! مين هينتخب مزة عشان تمثله ف البرلمان؟ مين هيروح لدكتورة مزة عشان
تعالجه؟ مين هيحترم استاذة مزة بتدرسله؟ ازاي المجتمع هيعاملنا ياحترام
وياخدنا بجدية واحنا واقفين نتفرج عليه وهو بيخترعلنا اسم جديد وبيفرضه
علينا بكل وسيلة وفي كل مكان؟

لازم كل ست وكل بنت بتحترم آدميتها ترفض ان يتقال عليها مزة

لازم نقف في وجه المجتمع الذكوري ونمنعه من اختزالنا في مجرد اجساد

لازم كل واحدة تعلن انها انسان نوعها امرأة, مش مزة

لازم كل واحدة تدافع عن كرامتها وتقول أنا مش مزة

دعوة لشطب هذه الكلمة البذيئة المحقرة من شأن المرأة من قاموسنا العامي المصري, وتصنيفها باعتبارها كلمة بذيئة

نحن نعترض على استخدام هذه الكلمة في الاعلام و الاغاني و الافلام

يجب ان تلقى المرأة المصرية الاحترام الذي تستحقه وألا تستسلم لعنف المجتمع وممارساته القمعية ومحاولة اذلالها وامتهانها وتشييئها

شاركونا جميعا لنعلنها صريحة: المرأة= انسان نوعه انثى
المرأة المصرية ليست مزة

بالبلدي.. أنا مش مزة

كل ما عليكم دلوقتي

هو انكم تقولولي

ايه رايكم في الحركة دي

وعشان اعمل اللي عليا يا ولاد

ادي برده لينكات الجروب علي الفيس بوك

[ندعوك للتسجيل في المنتدى أو التعريف بنفسك لمعاينة هذا الرابط]

واشوفكم علي خير ان شاء الله

لا يا عم انا مش معاهم
انا سمعت بنات هى اللى بتقول كدة سواء على نفسها او على بنت تانية
دى اكتر كلمة معبرة مزة يعنى .. يعنى .....
هى يعنى اية مزة يا ابراهيم؟

مز يا ميدو جاية من
(مز -مزموز -مزة)
زى منتا شايف دا التصريف بتاعها فى المعجم الوجيز

موضوع قديم حبيت انه يرجع تاني