لو ابوها رفع السماعه هتعمل ايه ؟؟؟؟؟؟؟؟؟؟؟؟

لو أبوها رفع السماعة هتعمل ايه؟

تخيل
سعادتك كده مأنتخ علي السرير الساعة اتنين بالليل ومضلم الأوضة ومسلك سلك
التليفون من الصالة,وواخد غطس تحت اللحاف وفي وسط الأشواق الملهلبة...

بتحبني ياتوفيق؟

طبعا ياجمالات :: دانتي الهوا اللي بتنفسه والميه اللي بشربها.... ناقص تقولها السجارة اللي بتكيفني

يعني مش هتتخلي عني أبدا

عمري ياحبي وحتي تنطفيء النجوم

وحتي يقع القمر

وحتي يفوز الذمالك علي الأهلي

عيب تقولي كده ياجمالات

سمعتي أغنية بحبك بتاعة رامي صبري؟.

اه مالها ياحبيبي....

.كل كلمة فيها بتفكرني بيكي يانور عيني

بحبك نفسي أقولهالك: وانا ايدي في ايد....

وفجأه.
نعم يا.........؟

.وهنا هنقول ستوب ونوقف المشهد ونبدأ نسأل السؤال هتعمل ايه ساعتها؟أو نتخيل سيناريوهات مختلفة للي هيحصل بعدها
ممكن مثلا تقفل السكة وطبعا لمدة اتناشر سنه قدام هتلاقي البت تليفونها مقفول ومبتجيش جامعة.......والسيناريو ده يجرنا لتساؤل تاني

في الحاله دي تعمل واد محترم بقي وتروح تتقدملها وغرضي شريف واسف ياعمي وجاي من الباب والكلام ده

ولا تبقي واد روش موديل 2007 خارج من الاجنص حالا وتخلي واحدة صاحبتها تكلمها؟

ولا تطلع ندل وتنفضلها واهو البنات اكتر من الهم علي القلب وتيجي واحدة مكانها؟

ده سيناريو مكتمل محتمل للي ممكن يحصل
فيه سيناريو تاني

.نعم يا.........؟......ده أبوها

ساعتها انت موش هتقفل السكة

ثواني ياعمي أنا والله بحب جمالات بس مستني وقت أرتبط بيها

وهنا هيختلف رد فعل الأب حسب شخصيته يعني ممكن يكون راجل جنتل ويقولك

حب ايه ياحيلة الست الحاجة روح ياض العب بعيد

وممكن يكون راجل عقلاني....

هو يابني اللي يحب حد يكلمه الساعة دي

لو اختك ترضي حد يكلمها كده؟

يابني اللي بيحب حد ميخلهوش يعمل حاجه غلط ولو حتي باسم الحب

.وعموما يابني ممكن أعرف انت عايز ايه دلوقت؟

وهنا هتبان نواياك

يااما تاخد منه معاد تقابله وتكلمه وتشرحله ظروفك

يااما تقول ياعمي انا نفسي اكلمها وافضل معاها سنتين تلاتة لحد مااكوم نفسي وطبعا بما أنه راجل محترم فرده هيبقي

.تك....صوت سماعة بتتحط وسكة بتتقفل في وشك
فيه سيناريو تالت

أنك تطلع ندل وترد عليه

ماتشتمش يابا الحاج انت متلم بنتك ياأخويا

انا مضربتهاش علي ايدها

وطبعا رد فعل الراجل علي بق زي ده

يااما هيقع علي الكرسي من الصدمة وتسمع صوت (بابا بابا)

أو هيرد علي كلامك

وممكن يبقي فيه سيناريو رابع

أول ماابوها يدخل...هتلاقي جمالاات بتقولك

ثواني ياتيفا...بتدلعك ياعم مين قدك يابختك

فيه حاجة يابابا مخبطتش ليه قبل ماتدخل.

.معلش ياجمالاات اصلي كنت بدور علي حاجة معلش اني مخبطتش

.طيب يابابا عاوز حاجة؟

لا خلاص هدور في أوضة تانية

وفيه سيناريو كمان

.وده بقي محتاج واد ابن جنية

وهو
انك اول ماتلاقي صوت أبوها فجأة ترقق صوتك علي قد ماتقدر وتعمل نفسك واحدة
صحبتها وعشان السيناريو ده ينجح فانت محتاج أب اهبل عشان يصدقه
أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش

وفي الحالة دي يااما الراجل هيديك فاصل شتيمة في أختك وفي نخوتك وأخلاقك (أوعي تصدق نفسك وترد عليه لأنك مفيش أخت ولا حاجة) :SM315:

أو ممكن يطلع الراجل تربية فكرية ويصدق ويقولك أما توصل يابني ابقوا طمنونا
طبعا أنا مقلتش الموضوع من ناحية البنت بمعني لو أبوكي رفع السماعة(موش تعصب ضد حكوك المرأه لا سمح الله)بس لأن السيناريو معروف

.لو أبوها راجل ودمه حامي

فيبقي اللي تقدر تعمله بس انها تكون لها علاقات في المستشفيات خصوصا قسم العظام
عشان يتوصوا بيها و بيك انت كمان

لو انتوا (الشباب طبعا) مكان توفيق هتعملوا ايه عايز الرد بصراااااحه

........انا لو مكان توفيق اقولة ياعمى انا عاوز اجى اتقدم بس مستنى الفرصة واخد منة معاد وافك منة ومن بنتة وماروحش وميشفش وشى تانى.........

هههههههههههههههه
بجد موضوع رائع وعلى العموم يا برنس
انا لو مكان توفيق لو البنت دى حلوة ومتسنبش يعنى انا اطلب الميعاد زى ما الحزن قلت لو هو بيحبها ومفيش مانع نغير الاسم بتاعها دة وتتعب شوية يا عم توفيق
اما اذا لو كانت وحشة فدى فرصة كويسة جدا انك تخلع وانا انصحة بكدة
وربنا يوفقك يا توفيق

ميرسى يمعلم والف شكر على الموضوع الجميل ده
اخوك النونو تربيه نوعيه الفرقه التالته
ودايما بالنجاااااااح cheers

ههههههههههههههههه
النونو بقا يكتب الفرقة التالتة الله يرحم التانية

مشكورين علي مروركم الجميل وردودكم الرائعه
وننتظر منكم المزيد

وعاوزين كل الناس تقول رايها

كلة يعبر عن رأية اوعى حد يخاف

ايوة دة موضوع سهل جدا اول ما اسمع صوت ابوها اقولة بكل شجاعة
مبروك يا حاج بنت جاوبت على الاسئلة وكسبت معانا 19 جنية ونص حق المكالمة ممكن تيجى تستلم الجايزة بتاعتك وهاتها معاك عشان هى المشتركة وساعة ما يجى لو كان خبؤ كدة وجة حطلة حتتة حشيش او اى مخدرات فى الظرف اللى فية الجايزة وبلغ عنة وساعتها تتكلم مع الت براحتك ما ابوها واخد مئبد ومحدش عاد هيضايقك وانت بتتكلم
اى خدمة يا عم مشكلة بسيطة وسهلة يعنى
اية شغل الافلام العربى الابيض واسود دة

موضوع جامد يا صاحبى

ههههههههههههههههههههه
اية يا عم ميدو الى هتعملة فى الراجل دة
اكيد توفيق مش مستنى الحل الجامد دة
اوعى يسمع كلامك دا انتة تودية فى داهية
جامد يا ميدو

ههههههههه ملوش حق يعمل اى حاجه ولا ينطق لانه اصلا وقتها يا عينى عليه هيموت من الخضه وتبقى جمالات تروح تقرأ عليه الفاتحه ادى اخرة الحب...نايس توبيك

مشكورين علي مروركم الحميل وردودكم الاروع

NoNiTa

نورتي المنتدي كله

عاوزين الكل يشاركوا برايهم

كلة تمام يا معلم والناس شغالة زى الفل

انا لو مكان توفيق احكيله حدوتة قبل النوم لحد ما ينام وبعدين اكلم بنته تانى

ههههههههههههههههههههه

موضوع جميل جدا والأجمل ردودكم واللي هتعملوه

ههههههههههههههههههههههههههه
انا لو مكان توفيق
اول ما اسمع صوت السماعة بتترفع
طيعا عمك الحاج ابو جمالات هيقول انت مين وعاوز اية ؟
هقولة الحاج عبد الموجود موجود
هيقلى مش موجود
هرد انا واقوله :طب لما يجى ابقى قوله ان انا اتصلت بية وخليه وهو جاى المرة الجاية يجيب 5 كيلو سمك على جمبرى
هيقوم عملك الحاج شاتم شتمين على شوية تهزيق وهيقوم قافل السك فى وشى
وخلاص على كدة
[ندعوك للتسجيل في المنتدى أو التعريف بنفسك لمعاينة هذا الرابط]

موضوع قديم حبيت انه يرجع تاني