يوميات مصرى الحلقة الاول : عم حسين الشبوكشى

حفل زفاف ينتهي بالإسعاف


دعيت لحفل زفاف حماده ابن جارتنا إنصاف


ففرحت لأني معزوم في فرح بفندق خمس نجوم


وكانت البداية بغناء فيه روحانيه وصفاء حيث


غني هشام عباس بصدق وإحساس " أسماء


الله الحسني " وبعد ذلك أحسسنا بصداع فظيع


ودوار من الضجيج والخلاعه والاستهتار


وأغنيات تقتل الحياء والوقار مثل " أطبطب


أدلع , وأطفي وأولع " " وبوس الواوا يح ,


حبيبي ليه بيكح " " وتسمحلي أدلعك , بالجاز


وهولعك " وقام المعازيم والمعزومات ليرقصوا


علي الطبلة والصاجات ويتصوروا بالموبايلات


وحمل الشباب السيس الراجل إلي هوا العريس


وطوحوه في الهوا زى الأهبل وهو مستسلم لهم


زى الجردل ثم جري الأولاد والبنات في دائرة


وكأنهم في قطار المسخرة ثم انتابتني الحسرات



عندما رأيت بعض المحجبات يرقصن مع


الراقصات وكان مسك الختام في هذا الحفل التمام


أغنية " أمين أمين يا رب العالمين "!! فقلت يا


أصحاب الفرح الكرام لاتكونوا كالاغنام ولا


تخلطوا الحلال بالحرام وحبذا لوكانت الأغاني


كلها باحترام بدلا من الرقص وخليع الكلام فقالوا


اقعد وبلاش فلسفه ياراجل يا قفه فقلت يا ناس


أين الحياء!!؟ والله هذا إبتلاء هل ذاك حفل زفاف


أم أنه مسخراء لعنة الله عليكم أيها الأوباش


فهجموا علي ورفسوني كالحمير والجحاش وأفقت


في غرفة الإنعاش وأنا ملفوف بالقطن والشاش


"وجزاكم الله عنا خير الجزاء"

مع تحياتى محمد الخميسى

تسلم يا محمد ع الحلقة

وربنا يثبتنا ع طاعته

وفعلا الايام دى الواحد بيشوف العجب ف بعض الافراح

ربنا يهدينا جميعا


ينقل لقسم القصص

ههههههههههههههههههههههه
تسلم يا محمد والله قصه حلوه
وعلي فكرة الافراح الاسلاميه جميله جدا جدا
انا خالي لسه متزوج من شهرين تقريبا
وكان فرح اسلامى
وكان جميل جدا
وخالي التانى برضو كان فرحه اسلامى
وكان فعلا جميل
خسارة الناس مش فاهمه

هههههههههههههههه

تسلم يامحمد والله كلام جميل

فعلا عندك حق

وربنا يهدى الجميع