قول اللي جواك

موضوع جميل يا همسه تسلمى

تسلمى يا حبيبه
عقبال باقي الاعضاء لما يعجبهم
علشان انا متحمسه جدا
اننا نبدا الموضوع ده

بجد موضوع جميل جداااااااااااااااااااااااااااا


وانا متحمسه زيك
ونفسي الموضوع ده يبدا




يالا شدو حيلكم

عاوزين مشاركه

لا والله


يعني كل واحده فيكوا تدخل تقول يلا يلا

محدش بيبدأ ليه

الموضوع جميل يا هموسه
سيبك من العيال دي

ههههههههههه

هو حد قال غير كده

محنا كلنا عارفين ان الموضوع جامد جدااااا


بس عاوزين بقي حد يبدا عشان ندخل نتحمس

انا عن نفسي هبدأ انا

يلا هعمل فيكوا خير



بصوا بقي


انا دلوقتي متضايق وقرفان ومتحطم من موضوع الجيش ده


بس الحمد لله ربنا بيهديني اوقات كده وبقول الحمد لله علي كل شيء وانه نصيب



بس مش قادر ابطل تفكر في المضوع لحد ما ادخل


اهي هانت وربنا يسهل


بس اعمل ايه بقي


زعلان جدا اني هسيب اعز ناس عندي في الدنيا

اصحابي اللي في المنتدي هنا


بس بعوده ان شاء الله

كتبت كنير انا كفايه كده بقي

انتوا هتفتروا

ههههههههههههههههههههه
قول يا هيما قول
براحتك
محدش ها يزهق
الموضوع جد
واحنا ها نسمع

اما بقي موضوع الجيش ده
فانا عندى مبدا
هو ان كل حاجة حلوه
واكيد ربنا مش ها يعمل لنا حاجة وحشه
بس احنا اللي مش شافين صح
او مش عاوزين نشوف كده
ممكن يكون ربنا بيبعد عننا خطر
او ظلم
او اى حاجة وحشه بالطريقه دى
صدقنى
حاول تتقبل الموضوع وان ها ترتاح كتير

الحمد لله
بحاول وربنا اهو

لما تخلص كلام عن نفسك ها احكيلك حاجات
ها تخليك تتنمى انك ترضي عن حياتك

يلا يا ادمن انتى اللى بدءت كمل وبعدين نشوف حد تانى يبدء

قول يا ادمن وخلص وانا ها ابدا
بس قول

انا كده خلصت موضوع
اللي عاوز يبدا يبدا

انا بقي مخنوقه جدااااااااااا وفكرت ف اللي حصلي قبل كده وزعلانه ع نفسي اوي
لان اتجرحت من حد انا امنتلو واتخدعت فيه
وعمري متوقعت انو يعمل كده فيا بحاول اتاقلم ع اللي انا فيه وبحاول انسي بس مش قادره يمكن ببتسم وبضحك وبهزر معاكو بس بجد من جوايا جرح كبير اوووووووووي مش قادره اداويه نفسي اداويه بس مش عارفه
نفسي اخد حقي نفسي بجد نفسي اطفي النار اللي جوايا
انا عارفه انك هتقولولي انو ميستهلكيش
وهتستغربو اني هقولكم فعلا ميستهلنيش وده فعلا مكتشفتوش غير بعد مبعدت عنو
لان فعلا طلع كداب اناني خاين مش عارفه اقول ايه تاني عليه بس مهما قولت بجد عمري مهقدر اوصف انا حاسه بايه دلوقتي انا بجد اللي جوايا اكبر من الجرح نفسي انساه بجد نفسي امحي كل حاجه حصلتلي قبل كده نفسي نفسي اووووووووووي
انا بحاول اصبر نفسي والله وبحاول انسي ومفكرش ف الموضوع بس غصب عني مش قادره بجد
دايما بقول يارب عشان ارتاح ياااااااارب

معلش طولت عليكو بس انا كده خلصت

ادعولي ربنا يريحلي بالي وقلبي

شوشو انصحك نصيحة
لو عاوزه تنسي
يبقي كل ما تلاقي نفسك بتفكري في الموضوع
اشغلي نفسك بحاجة تانيه
وان شاء الله تنسي

والله بحاول يا همس

يالا ربنا يسهل

ربنا معاكى يا شوشو يارب ويريح بالك امييييييييين

يارب يا بيبه

ربنا يخليكي يا قمر

ربنا يعينك يا هيما

وبعدين فيه ايه يا جدع
دا الجيش للرجاله

والله هتتعلم منو كتير ومش هتندم علي الوقت اللي هتقضيه فيه
ان شاء الله

وخليها علي الله

ازيك يا شوشو

انا مش عاوز اقولك غير
ربنا معاكي
ومافيش حاجه بتيجي مره واحده

بس زي ماهمس قالت

حاولي علي قد ماتقدري ماتفكريش سواء ف الحلو او الوحش

وانا والله بدعيلك دلوقتي بس في سري
ومش عاوز اكتب الدعوه دي
بس ربنا يكتبهالك يارب

ربنا يخليك يا احمد
وانا والله بحاول ع قد ما اقدر
وبقول لنفسي محدش بياخد اكتر من نصيبو وان شاء الله ربنا كتبلي كل خير
ميرسي يا احمد ع ردك وع دعوتك

ربنا يخليك

انا بقي ابدا
فاكر يا هيما لما قلت لك انا ها احكى لك حاجة عنى وقتها ها تعرف ان اللي ربنا بيعمله كويس اوى
الحكايه ببساطه هى
انا كنت في ثانويه عامه
كان اسمى عبقريبوا الرياضه
لو حد في زملائي حب يسال الاستاذ سؤال كان يجى يسالنى الاول قبل ما يساله علشان لو الاستاذ لقي حد يعرف اجابه السؤال هايقول لصاحب السؤال انت للي مش بتذاكر
علشان كده كانوا يجوا يسالونى لانهم واثقين انى عندى اجابه لو مفيش يبقي السؤال فعلا صعب او فيه خطا
بس في قبل الامتحانات تعبت روحت للدكتور قال لازم عمليه ضروري لان المرض ممكن ينتشر في جسمك وها يتعبك جدا
والعلاج الوحيد هو العمليه بس انا ما وافقتش اعمل العمليه دى
علشان الامتحانات طبعا خفت اخسرها وقررت اخسر صحتى
بس للاسف خسر الاتنين
سنه الامتحانات بتاعتنا كان اسمها سنه النكسه
مفيش حد جاوب اى حاجة حتى الرياضه اللي انا كنت عبقريه فيها
زى ما بيقولوا جبت فيها 36
طبعا ما كانش في ايدى حاجة اعملها غير انى ابكى وبس
الامتحانات خلصت وكان لازم اعمل العمليه
كنت واخده بنج نصفي
كنت سامعه الدكتور وهو بيتكلم
العمليه دى كانت في ظهري
كنت بشوف الدكتور وهو بيشتغل في وبسمعه وهو بيتكلم عنى
تصورا
وقتها غمض عنى واتمنيت ما افتحمش تانى
سمعت الدكتور وهو بيقول للممرضه هى اللي عملت في نفسها كده
سابت المرض ينتشر في جسمها لحد ما وصل لكده
يقصدنى انا
هههههههههههههه
لما البنج ابتدى يروح من جسمى بقيت اخبط راسي في الحائط من الوجع
بقيت اقول ليه يارب كده انا عملت ايه
وخلال كام يوم كانت النتيجة طلعت علشان تكمل علي
اليوم ده سخنت جدا لدرجة انهم حاسوا انى ممكن اموت
تعبت فعلا للدرجة دى
بس فتحت عنى لقيت ناس حولي ولقيت عيونهم بتدمع علشانى حسيت قد ايه انا في حاجات في حياتى جميله
مش بس ثانويه عامه
قلت الحمد لله
بعد شويه السخونيه راحت من جسمى شويه شويه
وبدات اتعافي من العمليه
لكن للاسف
الدكتور اللي انا عملت عنده العمليه كانت ادواته ملوسه
عمل لي مشكله تانيه
روحت لدكتور تانى وعملتها كمان مرة
وخفيت وبقيت كويسه الحمد لله
كل اللي عاوزه اقوله انى اتاكدت ان اللي حصل معاى في الثانويه العامه
كان انقاذ لحياتى من الموت الاكيد
علشان كده انا راضيه باى حاجة ربنا يجيبها لي
ومتاكده انها هى اللي في مصلحتى



كفايه كده بقي
علشان شكلكم زهقتوا منى

لا والله يا هموسه محدش يقدر يزهق منك ابداا


بس قولي الحمدلله ع كل حاجه بتحصلنا ف حياتنا ممكن يكون ربنا بيعمل فينا حاجه عشان ينقذنا من حاجه تانيه او بيعمل حاجه عشان يعملنا منها سواء غلط او صح بس ف الاخر لازم يكون وراها خير لينا
وخليكي دايما عندك امل فبكره انت ماشاء الله ف كليتنا دلوقتي كويسه وراضيه عن نفسك الي حد ما وانت احسن من غيرك الله اعلم لو كنت دخلت اي كليه تانيه كان ايه اللي حصل
واحمدي ربنا بجد ع اللي انت فيه
لازم كلنا نقول الحمدلله ع اللي احنا فيه ونحمد ربنا ف كل وقت ولو زعلنا من حاجه حصلتلنا لازم يكون عندنا امل ولازم نتاكد انها اكيد هتعود علينا بخير بعد كده او تكون مخبيه لينا وراها خير
ف الاول و ف الاخر كل واحد بياخد نصيبو
ارضي بنصيبك يا همس
وارضي بنصيبك يا هيما
ارضو بنصيبكم كلكم
وقولو الحمدلله

وحمد لله ع سلامتك يا همس وربنا يخليكي لينا يا قمر وتفضل بينا كده ع طول
وبعدين هو انت يعني زهقانه من كليتنا ولا ايه
دي كليتنا دي عسل والله والواحد بيروحها عشان يفك عن نفسو شويه ويقعد مع صحابو
ربنا يجعلها خير كلنا لينا
يااااااااااااااارب

قولو اااااااااااااااااااااااااااامين






بدل ماجيلكم

اضحكو اضحكو

هههههههههههههههههههههههه

قشطه يا هموسه يا قمر

اميييييييييييييييييييين
وقشطه يا شوشو
انا علي فكرة بحمد ربنا كل يوم
وزى ما انتى قلتى انا راضيه الحمد لله علي اللي ربنا بيجيبه
بس انا حبيت احكى الحكايه دى علشان هيما بس
علشان يعرف ان كل حاجة خير بس احنا اللي مش بنعرف انها خير غير بعد فترة
او ممكن ما نعرفش خالص
بس اكيد هى خير
وعلي فكرة
انا بحب كليتنا جدا وسعيده فيها كمان