انتى كده تقدرى تحرقى دم اى شاب و تخليه يخبط دماغه فى الحيط

ازيكم ياحلوين دول بقى حركات تغلسوا بيها على الاولاد
بس اهم حاجة بدون زعل يا شباب
هههههههههههههههههههه


البنت تتصل بالولد الساعة 5 الفجر وتفضل ترن ترن لحد مايرد عليها

فتفوله : هو انت نايم ياحبيبى





يبقوا رايحين اى مشوار مع بعض وهيركبوا الباص او المينى باص سواا

تروح هى بسرعة تشاور لاى تاكسى

وتقوله :سورى ياحبيبى نسيت ان احنا هنركب الباص

(عايزة تغرمه باى شكل من الاشكال)





داخلين اى كافيه على اساس انتى اللى هتعزميه وطلبتى اغلى حاجة

موجودة وخلاص هتمشوا والمفروض ان انتى الى هتدفعى طبعاا

قوليله :معلش يا حبيبى ادفع انت عشان انا نسيت اخد الفلوس من

الشنطة الحمرا بتاعتى





عايزة تكلمى مامتك ومش معاكى كرديت خدى منه الموبيل وقليله

هكلم مامى دقيقة واحدة عشان اقولها انى هتاخر واقعدى اتكلمى

براحتك لحد مالكرديت يخلص واديله الموبيل

هيقولك :الكرديت خلص !!!!!!!!

قولي له بجد:مخدتش بالى معلش




انهارده عيد ميلادك ومجبلكيش كادوه تعملى ايه ؟؟

قليله:حبيبى انا حلمت بيك حلم تحفة امبارح

هيقولك :خير يا حبيتى ان شاء الله

حلمت انك واقف فى اكبر محل كادوهات وبتجيبلى احلى واغلى كادوه

موجودة فيرد : اه طبعا ياحبيتى ان شاء الله

بما انى عارفة انك مشغول ومش فاضى طول اليوم فقلت انزل واجيب

الهدية بالنيابة عنك وخديه عالمحل من غير مايعرف

وقوليله ايه رايك فى الكادوه دى انا حجزتها عشان تجيبهالى

( طبعااااااا تدبيسة انما ايه )





متفقين هتروحوا السينما النهارده وحسيتى انك مالكيش مزاج تعملى ايه؟

سيبيه واقف ملطوع بعد ميعادكم بساعة ونص ولما يتصل بيكى

قليله : سورى ياحبيبى جالى دور برد رهيب ومش معايا كرديت عشان

اتصل بيك واقولك

(ساعتها هيقول ده يوم اسود يوم ماعرفتك )




بتتمشوا فى اى مكان ولقيتى سنترال قريب منكم تعملى ايه ؟؟

قليله حبيبى ممكن تروح تجيبلى كرديت ولما تيجى اديلك الفلوس

طبعا هيروح ويجيب ......

ولما يجى قليله :سورى يا حبيبى انا افتكرت انى جبت واحد امبارح

خده انت بقى

(مع العلم انك كرديت وهو خط )




بكره فرح صاحبتك وطبعا لازم تجيبلها كادوه تحفة وشيك تعملى ايه؟؟

قليله: حبيبى بكره فرح صاحبتى وعزماك وماكدة عليا انك لازم تروح

وطبعا انت لازم تجيبلها كادوه تكون تحفة وشيك

هيقولك : اه طبعااا وانتى مش هتجيبلها

قليله :لا انا جبتلها خلاص هديلها بكره بقى

فى الفرح خدى منه الكادوه واديها لصحبتك وقليله :سورى يا حبيبى اصلى

نسيت الكادوه اللى انا جبتها فى التاكسى وانا جاية
فى حد هنا عايز يضربنى
هههههههههههههههههه
كله تهريج فى تهريج

خطيبك يقولك يمين تقولى شمال هيطفش ويتخنق........اى خدمه

1- الو حبيبى عيد حب سعيد باى باى عشان بابا قاعد وتقفلى السماعه فى وجه وتقولى اوف اتخنقت من كلامه الحلو
2- ولو عدى من جنبكم شلة شباب علقى عليهم البادى ده حلو وياريت الولد يسمع عشان يتحرج.
3-استهزى بكلامه امام اصحابكوا او اى حد تعرفيه.
4-عارضى كل افكاره وان كان من اصحاب الاتجاه المتحرر تبنى الافكار المحافظه ,وان كان من اصحاب الاتجاه المتشدد تبنى الافكار المتحرره

تخنقى عريس


-اما اذا كان ولد انت مش عارفاه يعنى عريس صالونات واهلك اتفقوا معاكى انك تروحى فرح بنت عمة خالة جده بابا
عشان تقابليه هناك ومش قادره ترفضى دى فرصتك ياستاذه تكرهيه فيكى من اوله ,
وانت بتتكلمى معاه اتكلمى كانك شغاله فى موقف ,ازيك يا معلم ايه الاخبار يا مان
وما تنسيش تلبسى ملابس ولادى وبكده ومع التركيبه دى والصياغه والكلام واللبس اكيد هيطفش
ولكن اذا كان اهبل وعجباه كل تصرفاتك ,فرصتك تتكلمى معاه وتقوليله يا عم انا ابشع واحده ممكن تقابلها فى حياتك
ومبعرفش اعمل اى حاجه فى المطبخ وكمان انا متشائمه وكئيبه ولاحظى انطباعه,ولو لاحظتى انه اتمسك بيكى اكتر ننتقل الى الخطه
اطلبى اغلى اكل وكمان بكميات كبيره كده هيعرف انك مسرفه
وكمان مفجوعه
وان الخطه ماجبتش نتيجه ننتقل للخطه التاليه ركزى نظرك على اى شاب معدى وقولى اوف يااااااه الولد ده يجنن جاتنا نيله فى حظنا الهباب

13-دلوقتى اقدر اقولك انك اتكرهتى وكل خططك نجحت يا استاذه


في السوق :0-----------
1- اذا مريتي جنب واحد منهم بصى لجزمته واضحكي خخخخخخخخخ

-اذا دخلتي انتي وصاحبتك محل وفيه شباب قولي : يااااااااربي

ايه المحل البايخ مافيهوش شي يستاهل ان نشتريه وتعمدي يسمعونك

اذا ركبتي انتي وصاحبتك الاسانسير وفيه معكم شاب طلعي عطر

من شنطتك ورشيه بالاسانسير قولي ياربي ايه الكتمه و الريحه دى

البايخه

اذا واحد فيهم رمى شئ فى شنطتك او بالاكياس اللي معك الحقيه

وقولي له::انت يابنى الشئ ده و قع منك وانت عامل عبيط

قمة القهر ورفعتى ضغطه


6- في الشارع لما توقف سيارتكم جنب سيارة واحد منهم عند الاشاره

الحمرا اول ما يوقف سواقكم للاشاره اعطي الشباك ظهرك

7- اذا جيتي تعدى الشارع وانتي ماشيه ووقف واحد منهم يقاله

ذوق يعني وخلاك تعبرين........لاتعبري قدامه روحي اعبري ورا السياره

بتاعته



انتى كده تقدرى تحرقى دم اى شاب و تخليه يخبط دماغه فى الحيط
و كمان ممكن يولع لازم تعملى حسابك