اسئله شخصيه للي يحب يشارك

الـــــــــــحالة الاجتماعية؟
اعزب
المؤهل الدراسي؟
بكالوريوس تربية نوعيه قسم تربية فنية ودبلوم فى الخط العربى
أين تسكن؟
فى قرية تسمى ديرب الخضر -دكرنس - دقهلية
واسم البلد غريب شوية بس ليه اسم تاريخى هو ان بيقال ان كان اسمها ايام النصارى
دير الرب ولما جه المسلمون سموها ديرب وفيه مقوله تانية بتقول ان اسمها كان درب يعنى طريق
درب الملك اشمون ملك مصر ايام الرومان واللى كان عاصمتها اشمون اللى جنبنا ابراهيم عارفها
اصل فيها واحد صاحبه وحبيبه هناك المهم كلمة الخضر بضم الخاء وفتح الضاد دى نسبة للون الاخضر اللى بيغلب عليها
مهنتك الأساسية؟
فى مجال الدعاية والاعلان
نوع عطرك؟
ROSHAZ
ماالذي تحمله معك دائما؟
غالبا محفظتى معايا فى كل مكان برة البيت يعنى فيها صور لاصحابى واهلى
وفيها اتوجرافات لاصحابى والبطاقة لزوم اى كمين والكارنيهات يعنى فيها حاجات مهمه كتير
واحيانا بيبقى فيها فلوس
من هوصديقك ؟
هما اتنين واحد اسمه د/ احمد عبد العظيم صيدلى اكبر منى ب 11 سنة دة صديقى
اوى واخويا الكبير كمان وبجد اكتر من صديق والتانى اسمه محمود عبد اللطيف اكبر منى بسنتين
بحب اصاحب الاكبر منى علشان اكتسب منهم خبرة وليا بقى اصحاب كتير بحب اخد فى كل بلد صاحب
اجمل ذكرى؟
ايام الكليه كانت ايام حلوة
تاريخ تتذكره خاص بك؟
الخميس (20/11/2008) الساعة 2ظهرا يوم (22 من ذو القعدة 1429 هـ) وفاة بابا
اغلى انسان على قلبك؟
امى طبعا وقبل كدة كان بابا ربنا يرحمه
اجمل مافي شخصيتك؟
انى طيب ومخلص جدا وبحب انى اكون افضل وبحب ازود ثقافتى دايما عن طريق القراءة
اسوأ مافي شخصيتك؟
العصبيه
أول بلد ذهبت اليه؟
انا مخرجتش بره مصر فهتكلم على اللى انا روحته جوه اول بلد روحتها كانت القاهرة
واجمل بلد ذهبت اليها؟
اسكندرية رووووعه بلد ساحرة بجد
واخر بلد ذهبت اليها؟
الفيوم
المكان الذي تذهب اليه دائما؟
مفيش مكان محدد بس اى مكان هادى بروح اقعد فيه لما اكون متضايق او بفكر فى حاجة
ان شالله فوق السطوح عندنا بالليل
فعــــــل فعلته وندمت عليه؟
كل ذنب وكل معصيه عملتها ندمت عليها ومرة انا زعلت ست الكل لحاد ماعيطت
وساعتها ندمت اوى وعمرى ما هسامح نفسى عليها
شخص تعتمد عليه؟
انا بحب اعتمد على نفسى مش بعتمد على حد الا ربنا بس بنجتهد وبعد كدة نتوكل على الله
كلمة ترددها دائما؟
استغفر الله العلى العظيم واتوب اليه
أكلتك المفضلة ؟
المحشى والبط والفراخ والجمبرى دول افضل حاجة
كم معك الان في محفظة نقودك؟
22.50 جنيه وجاى 60 فى الطريق من شغل يعنى اهو بحوش علشان اشطب الشقة
كم عدد اخوانك؟و ترتيبك ؟
انا عندى محمد ومنى وانا الاكبر
كم سنة دراسية رسبت فيها؟
الحمد لله ولا سنه بس شيلت مادة فى الكليه اخر سنه قدر الله وما شاء فعل
شخص تشعر بتقصيرك تجاهه؟
كتيييييير وخصوصا اصحابى وقرايبى اللى مش زورتهم ولا سالت عليهم من زمان
امنية تحققت لك؟
لسه انا بتمنى حاجات كتير بس لسة مفيش حاجة اتحققت لسه ربنا يسهل ان شاء الله
امنية لم تتحقق؟
لسة برضة انا مستنى اهو لما اشوف هتتحقق الامنيات ولا لأ
أول مبلغ استلمته كم ومن أين؟
اول مبلغ على ما اتذكر كان 40 جنيه وكان من اول يافطة كتبتها لمحل موبايلات على ما افتكر
مشروع تجاري تفكر به ؟
شركه دعاية واعلان متكامله
لو لم يكن اسمك(يعجبك) ماذا ستختار؟
لو مكنش اسمى احمد لوددت ان يكون اسمى احمد لان الاسم دة من افضل الاسماء ان لم يكن افضل اسم
مش انا اللى بقول الرسول قال خير الاسماء ما حمد وعبد والرسول كان اسمه احمد فى السماء
وربنا لما بشر سيدنا عيسى بالرسول اللى بعده قال ومبشرا بنبى من بعدى اسمه احمد
وكلمه احمد بتشتمل حركات الصلاه كلها شوفوا دى
[ندعوك للتسجيل في المنتدى أو التعريف بنفسك لمعاينة هذا الرابط]