محمود
عدد الرسائل : 35 العمر : 33 العمل/الترفيه : فاضى السٌّمعَة : 0 نقاط : 0 تاريخ التسجيل : 02/09/2008
| موضوع: طالب يتحدث مع سته الأربعاء سبتمبر 03, 2008 12:58 am | |
|
| منك لله يا ستي!!
الله أكبر الله أكبر..أذان الظهر.. يارب.. يارب بحق ده الآدان تنجح يا نون يابن ابنى وأشوفك دكتور أد الدنيا -ياستى بس أنا فى تجارة -وماله يابنى هو يكتر على ربنا...... ده ربنا قادر على كل شئ -ياستى ونعم بالله بس اللى بيطلع دكتور لازم يكون فى كلية الطب مش التجارة -ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا -ياستى التجارة اللى فى الوكالة حاجة واللى فى الكلية حاجة تانية -ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق -جدى إيه اللى هايخدنى معاه .....ده جدى مات من زمان ياستى -يامصيبتى عبد الواحد مات..ياحبيبى ياأخويا..مكنش يومك ياسبعى -ياستى ده ميت من تلتين سنة -تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة -ياستى حرااام عليكى عايز أذاكر بقى -يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون -ياستى دبلون إيه..أسمه البكالوريوس -أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون -خلاص دبلوم دبلوم ياستى ..سيبينى بقى عشان أذاكر -ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب- وأخلاق..وعلام كمان -ياستى عبير دى معاها أعدادية -وماله يابنى ...الراجل مايعبهوش إلا جيبه -راجل ...راجل مين ياستى...عبير دى بنت -عبير ...عبير مين ياوله..أنته بتعرف بنات من ورانا -لا إله إلا الله....أبوس رجلك ياستى أرحمينى بقه -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى -ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات -صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان -حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو بره -لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى -خلاص روحى المطبخ ...أهو زمان أمى خلصت الرز -رز...رزإيه يابنى....هوأنا ليه سنان للرز...أناهطلع البلكونه أحسن -طب أبقى خلى بالك م الهوى ياستى -هوى لما يلطشك الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني |
| |
|
abdo_vampire20
عدد الرسائل : 630 العمر : 34 العمل/الترفيه : جامعى السٌّمعَة : 0 نقاط : 11 تاريخ التسجيل : 24/08/2008
| موضوع: رد: طالب يتحدث مع سته الأربعاء سبتمبر 03, 2008 4:33 am | |
| هههههههههههههههههههههه جامد يا محمود والله ايوة كدة ورينا الشغل | |
|
Admin Big Boss
عدد الرسائل : 7241 العمر : 35 العمل/الترفيه : sayeeeeeeeeeeee3 الأوسمه : السٌّمعَة : 12 نقاط : 6390 تاريخ التسجيل : 22/08/2008
| موضوع: رد: طالب يتحدث مع سته الأربعاء سبتمبر 03, 2008 5:31 pm | |
| هههههههههههههههههههههههههههههههههههههههه ههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههههههههه
بجد بجد توبيك جاااااااااااااااااااااااااااااااااااامد تسلم ايدك ومنتظرين المزيد
| |
|
MALEKT_ELSHARQ
عدد الرسائل : 400 العمر : 34 السٌّمعَة : 0 نقاط : 0 تاريخ التسجيل : 25/08/2008
| موضوع: رد: طالب يتحدث مع سته الجمعة سبتمبر 05, 2008 2:13 pm | |
| ههههههههههههههههههه
موضوع جميل
ندرن علي سته لما تجيب موضوع حلو كده تاني لتجوزك عبير بنت رئيسة
ههههههههههههههههههههههههههه
منتظرين منك المزيد | |
|
محمود
عدد الرسائل : 35 العمر : 33 العمل/الترفيه : فاضى السٌّمعَة : 0 نقاط : 0 تاريخ التسجيل : 02/09/2008
| موضوع: رد: طالب يتحدث مع سته السبت سبتمبر 06, 2008 2:36 pm | |
| مشكورين جميعا عالمرور وعالردود الجميله | |
|
Bagato
عدد الرسائل : 577 العمر : 36 العمل/الترفيه : هبقى فاضى بعد سنة ودلوقتى طالب الأوسمه : السٌّمعَة : 3 نقاط : 3 تاريخ التسجيل : 15/09/2008
| موضوع: رد: طالب يتحدث مع سته الأربعاء أكتوبر 01, 2008 10:19 pm | |
| جااااااااااااااااااااااااااااااااااااااااامدة يا مان تسلم اديك بجد موضوع تحفة وننتظر منك المزيد | |
|