naw3eyavoice
اهلا وسهلا بكم في منتدي صوت النوعية

نتمنى تواجدكم الدائم معنا

naw3eyavoice

هذا المنتدي يتحدث باسم طلاب كليه تربيه نوعيه جامعه المنصوره ويحتوي علي جميع ابداعاتهم
 
الرئيسيةس .و .جبحـثالتسجيلدخول
منتدي صوت النوعيه يرحب الساده الاعضاء والزوار ونتمي ان تقضوا وقت ممتع معنا وتساهموا في تطور و رقي المنتدي Admin

شاطر | 
 

 يوميات احمد ونور -----------> وقصة حب بين صعيدى وبنت استايل اووووى

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5, 6, 7  الصفحة التالية
كاتب الموضوعرسالة
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: يوميات احمد ونور -----------> وقصة حب بين صعيدى وبنت استايل اووووى   السبت أغسطس 29, 2009 1:49 am






يوميات احمد ونور -----------> وقصة حب بين صعيدى وبنت استايل اووووى





النظام هنا ان شاء الله حلقة كل يوم




مش هطول عليكم بصوا احنا هنبدا على طول



الحلقة الاولى



احمد: لو سمحتي حضرتك...ممكن براية

نور: ههههههههههههههههههههههههههه

احمد :حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت


احمد : حد معاااااااه براااااااااية....او قلم زيااااااادة .. ردوا


نور: انت اكيد مجنون وطي صوتك الطلبة كلها بتضح

احمد :ويضحكوا ليه ولاد الدزمة دووووووووول



نور: خلاص خلاص انا هنقل المحاضرة وبعدين اديلك تصورهم

احمد :شكرا بس انقلي كويس ..وياريت تنظمي الكراسة

(اثناء ماالمحاضرة شغالة ونور شغالة كتابة واحمد هيموت عشان مش معاه قلم)

احمد: ياانسة خطك زفت زفت..انتي مش مسطرة الصفحة ليه ...وفين التاريخ الهجري ... يادي النيلة عليا وعلى الجامعةنور : انت مالك ومال خطي مش كفاية هديلك تنقل منه وهتعطل انا
احمد : ليه وانتي عربية اصلك علشان تتعطلي..هما البنات متعطلي خلجةنور : انت انسان قليل الادب...وبجد مش بتعرف تكلم البنات ازاي

احمد : لأيا شيخة والنبي المرة الجاية تبقي تجيبيلي الكتالوج بتاعك



(نور عشان رقيقة سكتت وماعرفتش ترد على احمد وانتهت المحاضرة )



اثناء خروج الطلبة من المدرج...احمد حب يستظرف بس بطريقة غبية شوية


احمد وسط حشد من الطلبة بنات وولاد

وكأنهم قطيع من المواشي هررررررررررررررررررر..


وضحكته سمعت كل اللي ماشي


(نور بتحكي مع زميلتها من كلية تانية على احمد )


نور : بصي ياهالة الولد ده....فضيحة فضيحة يعني...وحكتلها على اللي حصل


هالة : تلاقيه شاب تحفة...مش باين عليه استايل خالص..ده لابس بدلة وكرافت


نور : بس تعرفي شكله وسيم اووووي...حاسة انه طيب وعلى طبيعته


هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا


نور:يا ستي سيبك


هالة: على رأيك


خلص اول يوم في الجامعة وقبل النهاية بدقايق



احمد: يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول


احمد :ومالهم يعني عشر ورجات انتي هتخلفي وعدك ولا ايه


نور : انا مقلتش كده بس في حاجة اسمها تصوير..اسرع يعني


احمد: هههههههههههههههههه اصورايه بخطك الزفت ده..شوفي ...زفت


نور: حقيقي انا غلطانة وكلام هالة باين عليه صح...بعد اذنك..اوف سابته ومشيت


وقال احمد: افووووووووووو عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه


تابعوا معايا بقى قصة حب احمد الصعيدي ونور البنت الاستايل

لسه فى حلقات كتيرة انتظرونى

[/center]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها


عدل سابقا من قبل Admin في الإثنين سبتمبر 07, 2009 4:28 am عدل 1 مرات
الرجوع الى أعلى الصفحة اذهب الى الأسفل
http://naw3eyavoice.own0.com
Handsomegirl

avatar

انثى
عدد الرسائل : 1536
العمر : 28
العمل/الترفيه : طالــــــــــــــــــــبة
الأوسمه :
السٌّمعَة : 0
نقاط : 1651
تاريخ التسجيل : 22/10/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   السبت أغسطس 29, 2009 9:09 am

تسلم ايدك
بجد مجهود رائع بس ياريت الحلقات الجاية تخلى الخط بلون غامق
بجد موضوع رااااااااااااااائع
مستنين باقى الحلقات
الرجوع الى أعلى الصفحة اذهب الى الأسفل
abdo_vampire20

avatar

ذكر
عدد الرسائل : 630
العمر : 27
العمل/الترفيه : جامعى
السٌّمعَة : 0
نقاط : 11
تاريخ التسجيل : 24/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الأحد أغسطس 30, 2009 4:09 am

جامد والله يا ادمن واحشنى والله
الرجوع الى أعلى الصفحة اذهب الى الأسفل
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الأحد أغسطس 30, 2009 4:53 am

ان شاء الله


وانت اكتر والله يا عبدو

نورت يا حبيبي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
حبيب الروح

avatar

انثى
عدد الرسائل : 5729
العمر : 26
العمل/الترفيه : طالــــــــــــــــــبة
الأوسمه :
السٌّمعَة : 0
نقاط : 6707
تاريخ التسجيل : 26/07/2009

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الثلاثاء سبتمبر 01, 2009 11:22 am

بجد موضوع جامد والحلقه الاولى حلوة
منتظرين الباقى
الرجوع الى أعلى الصفحة اذهب الى الأسفل
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الأربعاء سبتمبر 02, 2009 12:09 am

ان شاء الله قريب

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الأربعاء سبتمبر 02, 2009 3:06 am

الحلقة الثانية



وجه
اليوم التاني....ولسة الحياة الجامعية لم تؤثر على تلاميذ الثانوية
العامة...بس مع بلدياتنا احمد ...ماشية عكس خالص...مش عارف يتأقلم عليها


وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين


احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقتى
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عجباك
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين اهلك....


وفجأة سمع صوت الدكتور بيناديله



ونكمل الحلقة الجاية ان شاء الله






[size=21]يلا بينتا ع

الحلقه التالته



وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهومكشر



الدكتور:مالك يابني مكشر من اول السنة ليه كده

احمد :لو سمحت معاك نمرة العميد

الدكتور : ههههههههههه ايوة ليه

احمد : عاوزاقدم شكوى في البت دي

نور :متقولش بت

احمد :هجول بت وستين بت كمان قومي يلا

الدكتور : بس بقى اخرس شوية يا اما هطردك

احمد : انا ...تطردني ليييييييه هاتلي مكان سعادتك

الدكتور : تعالى اعد جنبي هنا على الكرسي ده

احمد : وااه...اجعد جنبك مرة واحدة يا داكتووور

الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نورضربته على ضهره..قال ااااااااااااه

وصوته سمع المدرج كله والكل فضل يضحك عليه

الدكتور : اطلع برا يلا...مش هتخضر المحاضرة

احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس

وهوخارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي

احمد : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

احمد : بجد بتتكلمي بجد

نور : ايوة مع انهم اكتر من عشر صفحات بس هستناك

احمد : متشكر يا مازمازيل نورة

نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت

بس شكلها طيبة جوي....الخط مش كل حاجة في الانسان يعني

احمد لمح نور وهي جاية وبتبتسم بخجل
[/size]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الأربعاء سبتمبر 02, 2009 3:10 am

[size=21]ندخل بقي ع

الحلقه الرابعه




بعد ما الدكتور طرد احمد من المحاضرة بسبب نور

وخرج زعلان خالص ونور صالحته وقالتله خد المحاضرة انقلها

واثناء ما كان بينقلها وبيقول خطها وحش بس هي طيبة كانت هي جاية بتبتسم

نور : احمد انت خلصت المحاضرة

احمد : لأ لسة انا في اول صفحة مش عارف اجرا الكلمة دي

نور : قرتله الكلمة

نور : اوكي كمل انا هستناك

احمد :لا لا انتي لازم تروحي دلوقتي عشان انتي اتأخرتي خالص

نور : طيب والمحاضرة

احمد : تتحرج المحاضرة

نور ضحكت ضحكة رقيقة جدا حركت قلب احمد الاسد

احمد : ممكن اوصلك لحد الباب...والله لحد الباب بس

نور : اوكي اوكي مفيهاش حاجة اتفضل

احمد : انتي في الجامعة هنا من امتى

نور :ايه يا احمد انا في سنك لسة اول سنة

احمد : انا عارف انا عارف

احمد : وياترى دخلتي هنا واسطة ولا ايه

نور : هههههههههههههههههه ...احمد مالك في ايه

احمد : لا بهرج معاكي

نور : تعرف انك

احمد :اني ايه

نور : طيب اوووي

احمد : وانتي انسانة محترمة اه فعلا محترمة بجد

نور : ميرسي

احمد : يالهوي ياني انا منجلتش المحاضرة بتاعت النهاردة

نور : ميرسي يا احمد على التوصيلة الجميلة دي منك

احمد : انتي رايحة فييييييييييييييييين

المحاضرة

المحاضرة

المحاضرة


ووووووووا اشوفكم الحلقة الجاية ان شاء الله ومع يوم جديد من ايام الجامعة
[/size]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الإثنين سبتمبر 07, 2009 5:25 am

نكمل ولا ايه يعني


محدش قال ؟؟؟؟؟؟؟؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Handsomegirl

avatar

انثى
عدد الرسائل : 1536
العمر : 28
العمل/الترفيه : طالــــــــــــــــــــبة
الأوسمه :
السٌّمعَة : 0
نقاط : 1651
تاريخ التسجيل : 22/10/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الإثنين سبتمبر 07, 2009 8:44 am

طبعا نكمل
هو دة سؤال
يالا منتظرين
الرجوع الى أعلى الصفحة اذهب الى الأسفل
ملك الخميسى

avatar

انثى
عدد الرسائل : 304
العمر : 28
العمل/الترفيه : طالبــــــــــــــــــــــــــــــــــــــــــــــــــه
السٌّمعَة : 0
نقاط : 379
تاريخ التسجيل : 03/09/2009

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الإثنين سبتمبر 07, 2009 10:59 am

تسلم ايدك جميلة اوى بس لية طلب عندك يارت توضح الخط اواكتبة بلون غامق
الرجوع الى أعلى الصفحة اذهب الى الأسفل
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الثلاثاء سبتمبر 08, 2009 12:32 am

اوك

مفيش مشكله

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الثلاثاء سبتمبر 08, 2009 3:46 am

يلا مش خساره

حلقتين مره وااااحده

الحلقه الخامسه

احمد دخل لقى اتنين اعدين مكانه هو ونور

دي كانت نهاية الحلقة اللي فاتت يارب الحلقة دي تعجبكم

احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز حمام يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في عراك وكأنه عراك بين الديوك ونور مش عارفة تعمل ايه

غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا

نور : سوري يا احمد مكنش قصدي بجد

احمد : اخرجي انتي برا وايه الجلم الرصاص اللي بتضربي بيه ده

نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ... احنا في جامعة

احمد : جامعة مش جامعة هجطعه

نور : ايوة احنا هنجطعه

الدكتور : تعالوا برا انت وهي

احمد : لأ والنبي يا داكتور الجو ساجعة برا جوي

الدكتور : اطلع بقولك

نور : يلا يا احمد

احمد : يلا ايه وزفت ايه ... هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير ... ماهو كده كده مش هحضر بكرا برضه

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

احمد : ربنا يخليكي يا نور

نور : اي نعم انت مش مهتم بمظرك ... ومش بتسرح شعرك حلو ... بس حاسة انك وسيم اووي

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي ... انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي اسف .... عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه

ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

الجارة : احمد احمد احمد احمد

احمد : سلام قولا من رب رحيم .. اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا ميدو .. انا خضيتك ولا ايه ... طيب تعالى في حضن ماما تعالى

احمد : اخلصي يا ست عاوزة ايه مني وليه بتخبطي في وقت زي ده

الجارة : تليفون عاوزك

احمد : والتليفون عاوزني في ايه

الجارة : هههههههههههههههه جتك ايه يا موودي يا سكر

الجارة : اقصد حد عاوزك على التليفون

احمد : ابوووووووويا جراله ايه انطجي قولي

الجارة : لأ لأ ده صوت واحدة

احمد : امي امي اما مالها مالها

الجارة : ده صوت جثة

احمد : ههههههههههههههههههههههه

احمد : والجثة هتتكلم ازاي يا ام مخ تاخين

الجارة : تعالى ورايا يا مووودي وانا اخليها تنطق وتتكلم

احمد : طيب يا وش المصايب

نور : سمعت ضحك احمد وجارته دي ... وقفلت السكة

احمد : الو الو ... الو الو

احمد : هههههههههههههههههههههههههه

احمد : الجثة مش راضية تنطق ... ده باين كده الجثة ماتت

هههههههههههههههههههههههههههههههههه







ووووووووووو اشوفكم الحلقة الجاية ان شاء الله

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
حبيب الروح

avatar

انثى
عدد الرسائل : 5729
العمر : 26
العمل/الترفيه : طالــــــــــــــــــبة
الأوسمه :
السٌّمعَة : 0
نقاط : 6707
تاريخ التسجيل : 26/07/2009

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الثلاثاء سبتمبر 08, 2009 1:10 pm

تسلم بجد
حلقات جميله
منتظرين الجديد

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
علمت أن رزقى لن يأخذه غيرى فاطمئن قلبي
الرجوع الى أعلى الصفحة اذهب الى الأسفل
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الثلاثاء سبتمبر 08, 2009 2:27 pm

منوره دايماااااااا

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
eyes_angel

avatar

انثى
عدد الرسائل : 467
العمر : 27
الأوسمه :
السٌّمعَة : 0
نقاط : 209
تاريخ التسجيل : 25/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الثلاثاء سبتمبر 08, 2009 7:38 pm

هههههههه
بجد حلوه اوووووى
تسلم بجد
جزاك الله كل خير

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اللهم ارزقنى حبك وحب من يحبك وحب كل عمل صالح يقربنى اليك



الرجوع الى أعلى الصفحة اذهب الى الأسفل
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الأربعاء سبتمبر 09, 2009 12:23 am

منوره دايما يا ايز

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الإثنين سبتمبر 14, 2009 2:32 pm

الحلقه السادسه



اما نور كلمت احمد في التليفون ... وكانت زعلانة جدا لما سمعت صوت جارته ...




واحمد مكنش داري بالدنيا ساعتها ...




من ساعتها احمد ابتدى يروح الكلية وكان متخاصم مع نور بعد كلمتها الجارحة ليه ...




انه مش استايل وشعره دايما منعكش ....




ابتدا ينتظم شوية في الدراسة لحد ما جت الامتحانات وده كان اخر يوم في الامتحانات ..




احمد بيكلم واحد صاحبه عن الامتحان




احمد : امتحان ممتاااااااز سهل ميا




صاحبه : حرام عليك .. ده انا مكتبتش حرف




احمد : ليه جلمك اتجصف ولا ايه




صاحبه : لأ يابني الامتحان مليان




احمد : بوي .. مليان ايه انت هتجنني




صاحبه : في ايه دلوقتي




احمد : انت طلعت اول مسألة كام




صاحبه : محلتهاش




احمد : والتانية




صاحبه : 100




احمد : حمـار




احمد : طب والتالتة




صاحبه : 2000




احمد : حمـار




صاحبه : يوووه




احمد : طب والرابعة




صاحبه : محلتهاش




احمد : يا حمـار هما تلاتة بس




صاحبه : انت اعد ولا هتسافر البلد




احمد : لأ هسافر انا مش ليا حد هنا




ولسة بيدور وشه .... قرب عليه الملاك نور ... وبصوت رقيق




نور : يارب تكون حليت كويس




احمد : ايوة الامتحان كان ممتاز




نور : لسة زعلان مني




احمد : وهزعل منك ليه ... احنا بيننا ايه




نور : مفيش عادي بسألك .. انت ليه دايما عصبي




احمد : على فكرة انا لو مجبتش امتياز هيكون بسببك




نور : ليه بس ... انا السبب




احمد : فاكرة الكام محاضرة اللي اتطردت فيهم بسببك




نور : هههههههههههههههههههههه




احمد : هههههههههههههههههههههههههههه




نور : وحياة اغلى ما عندك مش تزعل مني




احمد : طمنيني عملتي ايه في الامتحان




نور : بليز يا احمد متزعلش مني اسفة بجد




احمد : وحشتيني




نور : انا ؟




احمد : وحشتيني يا امي ههههههههههههههه




نور : هههههههههههههههههههههههه




احمد : مالك اتخضيتي لما قلت وحشتيني




نور : وانا هتخض ليه




احمد : اسألي نفسك




نور : هه ظريف




احمد : امسكي نفسك شوية يا بت




نور : هههه خفيف




احمد : مش ملاحظة حاجة عليا




نور : لأ بس شايفاك مبسوط عن قبل كده الحمد لله




احمد : لأ لأ حاجة في شكلي




نور : الراجل مش بشكله




احمد : اااااااه والله .... بعد ايه ... مش كان شعري متنعكش ومش بيتسرح




نور : انا مكنتش اقصد ... كنت بهزر معاك




احمد : اااااااااااااه بعد ايه بقى بعد ما جبت علبة كريم بامبرز ب 25 جنيه




نور : ههههههههههههههههههههههههه اسمه بالمرز




احمد : ايوة امسكي في التفاهات دي ... يعني شعري وحش




نور : جميل




احمد : بجد




نور : جميل راتب ده ممثل ممتاز ههههههههههه




احمد : ااه يا رخمة




نور : هههههههههههههههههههههههههه




احمد : انا هسافر اسبوعين وجاي تاني




نور : ليه كده خليك هنا




احمد : هستنى ليه




نور : نروح شرم الشيخ مع الجامعة




احمد : رحتها كتير كفر الشيخ




نور : شرم شرم




احمد : بتاعت البنات البلبوسة




نور : عيببببب




احمد : في ايه هو انا اللي بلبستهم




نور : خلاص بقى رد عليا عشان نروح .. اتصل بيا




احمد : ان شاء الله




نور : اوكي اشوفك على خير




احمد : كنت عايز اقولك حاجة مهمة اوووي من زمان




نور : ايه هي يا احمد قول قول قول




احمد : مش مسامحك على المحاضرتين اللي محضرتهمش بسببك




نور : مع السلامة يا احمد




احمد : سلام يا نور




وهو مروح بقى ...... عليا الطلاج لهروح الرحلة .... عاوزين نغير دو بقى












ووووووووووو نكمل الحلقة الجاية ان شاء الله

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الإثنين سبتمبر 14, 2009 2:37 pm

الحلقه السابعه



وبعد ما احمد خلص امتحانات هو ونور وقرر انه يطلع الرحلة وكان ميعاد الرحلة اتحدد




نور : هو احمد اتأخر كده ليه




ريم : انتي مالك مش على بعضك ليه




نور : وانتي مالك




ريم : مش عارفة مهتمة بواحد زي ده ازاي




نور : ملكيش دعوة بقى




ريم : صحيح عملتي ايه في العريس اللي اتقدملك




نور : رفضته طبعا .. انا لسة مش عاوزة ارتبط دلوقتي




ولسة الاتوبيس هيتحرك كان احمد وصل ونور تنفست الصعداء




احمد : ايه يا جماعة انتوا كنتوا مستنيين حاجة ولا ايه




ريم : ابدا كننا مستنيين القطر




احمد : هو احنا هنسافر في الاتوبيس ولا الجطر




ريم : يااااربي




نور : ههههههههههههههههههههههههه جامدة دي يا احمد




احمد : اي خدمة يا نور ابقي تعالي كل يوم




نور : اجي فين




احمد : لا لا متاخديش في بالك




والكل ركب الاتوبيس وفجأة احمد بيطلع من شنطته طبلة كبيرة




وشغال ضرب عليها لحد ما وجع دماغ الناس كلها والكل زهق منه




احمد : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه




نور : ابدا يا احمد بس الطبلة صوتها عالي اووووي




احمد : مانا عارف ان صوتها عالي ... مكنتش اعرف انها هتضايقكوا كده




نور : عامة انا مش مضايقة انا مبسوطة بيها




وفجأة احمد بيطلع من شنطته زمارة كبيرة بتاعة الفرق الشعبية




وفضل يوجع دماغ الشباب كلهم بأصوات الالات الموسيقية الغبية دي




وفضل على هذا الحال لحد ما وصلوا




احمد : يا بووووي يا جدعان المنطجة هنا جامدة جوي جوي




نور : انت اول مرة تيجي هنا




احمد : لأ جيت قبل كده ايام الحرب




نور : حرب ايه يا احمد .. هو انت حضرت حروب




احمد : هو احنا هنروح امتى يا نور




نور : يعني لسة اسبوع ... انت زهقت ولا ايه




احمد : لا لا خالص بس انا مجبتش اكل كفاية




نور : احمد اكل ايه بس هنا الاكل اوبين بوفيه




احمد : يعني ايه




نور : يعني تاكل اللي انت عايزه




احمد : يالهوي ياني يا جدعااااان




نور : انا هطلع اغير بقى




احمد : اوعي تجولي هتلبسي لباس البحر




نور : هههههههههههههههههه ايه يا احمد ده بس




احمد : صدجيني معرفكيش تاني




نور : انت هتنزل البسين بأيه ... معاك ماييوه




احمد : لأ انا ابويا جايبلي ترننج من السعودية هنزل بيه




نور : مينفعش يا احمد




احمد : بجولك من السعودية .. جامد جدا جدا




نور : طيب يلا نفطر بقى عشان جعانة




احمد : انتي على طول جعانة كده




نور : ههههههههههههههههه انا بحب الاكل اوي




احمد : انا اخر حاجة افكر فيها الاكل




نور : يعني مش هتفطر




احمد : في مش وخيار وعيش بلدي




نور كانت عاوزة تقوله ده عند ماما الكلام ده




احمد : كل ده اكل يا نااااااااااس ... هيخلص امتى ده بس




نور : كل على اد ما تقدر يا احمد




احمد : عليا الطلاج انا هاكل وكل لحد ما افرجع كده




نور : انا طالعة اغير ونازلة




احمد : تغيري ايه بس يا شيخة بصي على نفسك في المراية وشوفي الولية الجااامدة دي




يابووووووووووووووي انا لازم اروح اتعرف عليها دي لابسة لبس




جاامد جوي جوي












ووووووووووو نكمل الحلقه الجايه ان شاء الله















ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
حبيب الروح

avatar

انثى
عدد الرسائل : 5729
العمر : 26
العمل/الترفيه : طالــــــــــــــــــبة
الأوسمه :
السٌّمعَة : 0
نقاط : 6707
تاريخ التسجيل : 26/07/2009

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الإثنين سبتمبر 14, 2009 7:25 pm

حلقات جميله ف انتظار المزيد

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
علمت أن رزقى لن يأخذه غيرى فاطمئن قلبي
الرجوع الى أعلى الصفحة اذهب الى الأسفل
Handsomegirl

avatar

انثى
عدد الرسائل : 1536
العمر : 28
العمل/الترفيه : طالــــــــــــــــــــبة
الأوسمه :
السٌّمعَة : 0
نقاط : 1651
تاريخ التسجيل : 22/10/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الإثنين سبتمبر 14, 2009 7:50 pm

حلقات جميله تسلم ايدك
الرجوع الى أعلى الصفحة اذهب الى الأسفل
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الثلاثاء سبتمبر 15, 2009 4:50 am

منورين

ان شاء الله الباقي جاي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الخميس سبتمبر 17, 2009 3:22 am

الحلقه الثامنه



" احمد استنهز فرصه ان نور تطلعت تغير هدومها وراح اعد جنب الوليه وحصل اللي حصل " اكيد




" الوليه طبعا مبتعرفش عربى اصلا " خالص




احمد : يالهوي علي الغزال اللي بيلعب في الرمل




الوليه : ــــــــــــــــــــــــــــــــــــــــــــــ ؟




احمد : يالعوي علي الحصان اللي اعد علي شط




الوليه : ـــــــــــــــــــــــــــــــــــــــــــــ ؟




احمد : يالهوي عالجمر اللي الميه بلته




الوليه : ــــــــــــــــــــــــــــــــــــــــ ؟




احمد اتخنق وزهق كل الكلام ده والوليه مش راديه تعبره




احمد عجبه تقل الوليه وحنا عارفينه صعيده ومخه تخين لازم يكلمها




احمد : ايه يا عم التقل دا عبرنا ولو بنظره




الوليه خدت بالها ان في صوت بيتكلم بصتله




احمد : يا دين النبي ايه العنين الدامده دي




احمد : بس بس بس بس بس بس انت يا جمر




الوليه : _______________ ؟




احمد سرحان في عيون الوليه ومش عارف يقول ايه اتبلم




يالهوي دا نور جايه في الطريق واحمد لسه مبلم في عيون الوليه




نور : احمد " احمد مش هنا خالص راح في دنيا تانيه " مش معانا




نور : احمد احمد احمد




احمد : ايه مين




نور : ايه يا بني انت سرحان في ايه كده




احمد : لا مافيش




نور : طيب انتا جاي معانا ولا اعد




احمد : نروح فين




نور : هنروح نفطر ونطلع علي البلاج




احمد : طيب روحه انتوا انا اعد هنا شويه




نور : لا يا احمد تعالي معانا




احمد : لا انا عايز اعد هنا شويه




نور : كده يا احمد مش عايز تروح معايا




احمد : خلاص خلاص انا هاجي معاكي جومي كتج الجرف




نور : بتقول حاجه يا احمد




احمد وهو ماشي في سره با بنت الدزمه لازم تيجي دلوقتي انا كنت خلاص هكلم الوليه




نور : احمد انت بتقول حاجه




احمد : لا




نور : طيب انت مش هتطلع تغير هدومك وتلبس الترنج اللي من السعوديه الجامد جدا ده




احمد : اه والله فكرتينني بصي انا هطلع اغير وابقي اجيلك روحي انتي








" احمد وزع نور وطلع غير ومش راحلها راح فيــــــــــــــــــــــــــــــــــــن " فين












هنعرف الحلقه الجايه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Admin
Big Boss
avatar

ذكر
عدد الرسائل : 7241
العمر : 29
العمل/الترفيه : sayeeeeeeeeeeee3
الأوسمه :
السٌّمعَة : 12
نقاط : 6390
تاريخ التسجيل : 22/08/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الخميس سبتمبر 17, 2009 3:29 am

بالمره بقي


الحلقه التاسعه



احمد ساب نور راحت المطعم وطلع هو يغير لكن خد وقت كتير اوي




لانه مش عارف يلبس الترنج اللي من السعوديه الجديد




محتار يلبس انهه وش اصله وشين زي بعض ما علينا احمد اتخنق راح رامي الترنج




ولبس ترنج غيره ونزل نفض لنور و راح يدور علي الوليه




مش لاقها في نفس الوقت نور قلقت علي احمد راحت تدور عليه واخيرا




نور : كنت فين يا بني




احمد : ماكنتش وهروح فين يعني




نور : بس ايه الشياكه دي هو دا التنرنج اللي جايبه من السعوديه




احمد : لا التاني فوق في الاوده مرضتش البسو الواحد المفروض ميلبسش اللبس الدامد بتاعه من اول الرحله اكده




" احمد مش عايز يعرف نور انه مش عارف يلبسه عشان مش تتضحك عليه " اه يا كداب




نور : طيب يلا عشان نروح نكمل اكل




احمد : يالهوي انتي هتكلي تاني انتي مش فطرتي




نور : لا انا كلت حاجات بسيطه كده مستنيياك عشان تفطر معايا




احمد : مرسي يا نور ربنا يخليكي




نور : يلا يا احمد




احمد : جرسووووووووووووووووووووووووووووووووووووون انتا ياااااض




نور : بس يا احمد الناس بتبص علينا هو هيجيلنا المنيو بتاعه الاكل دلوئت




احمد : منه مين هي منه دي شغاله معاه




نور : يالهوي المنيو المنيو




احمد : اه منيو مش منه مين منيو دا بقه




نور : يالهوي يا بني ليسته الاكل




احمد : اه ماتقولي كده من الاول لازم تجيبي منه يعني الاول




نور : طيب شوف هتاكل ايه




احمد : طيب انا هاخد ايه دا مافيش فول طعميه برنجان ايه الاكل دا




نور : هو انت في البلد الفطار هنا زبده مربه جبنه حاجات خفيفه كده




احمد : والحاجات دي بتشبع ولا هنجوع منها




نور : يعني كل لاغيه متشبع دا اوبن بوفيه




احمد : طيب بص يا كابتن هاتلي 5 زبده و10 مربه و 5 جبنه و10 عيش




الكابتن : ليه يا فندم انت عازم حد




احمد : وانت مالك يا سسقيل اه عازم نفسي علي الفطار شوف الانسه تاكل ايه




نور : هتلي زبده ومربه وجبنه ورغيف عيش بس




الكابتن : اي خدمه تانيه




احمد : متشكرين يا خفه روح يلا يااض




نور : ايد دا يا احمد عامل الولد بشكل احسن شويه




احمد : يا عني اطلع البس بدله واكلمه عشان اكلمه كويس




نور : هههههههههههههههههههههههه يخربيت عقلك يا احمد مش قصدى




احمد : هو الراجل اتاخر كده ليه انتا يا عم جعانين




نور : يالهوي براحه يا احمد الناس بتضحك عليك




احمد : ليه هو انا بكلمه وانا واقف عي ايدي طب يلا والله منا واكل




نور : خلاص يا احمد برحتك بس انا جعانه




احمد : يلا نروح ناكل في حته تانيه






و خدها احمد و هيروحو ياكلو فى حته تانيه




احمد وهو ماشي لاقه مين في وشه وداخل يفطر














هنعرف الحلقه الجايه


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



يا بلدنا مش وقت الكلام ما هو كل حاجه في وقتها


وياها انا علي اي حال عاشق وراضي في قلبها

مش كل من غني وقال بحبها بيحبها
الرجوع الى أعلى الصفحة اذهب الى الأسفل
http://naw3eyavoice.own0.com
Handsomegirl

avatar

انثى
عدد الرسائل : 1536
العمر : 28
العمل/الترفيه : طالــــــــــــــــــــبة
الأوسمه :
السٌّمعَة : 0
نقاط : 1651
تاريخ التسجيل : 22/10/2008

مُساهمةموضوع: رد: يوميات احمد ونور -----------> وقصة حب بين صعيدى وبنت استايل اووووى   الخميس سبتمبر 17, 2009 9:15 am

بجد حلقات جميل
تسلم ايدك
تمام
الرجوع الى أعلى الصفحة اذهب الى الأسفل
 
يوميات احمد ونور -----------> وقصة حب بين صعيدى وبنت استايل اووووى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 7انتقل الى الصفحة : 1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
naw3eyavoice :: منتدي الحب والفن :: القصص والروايات-
انتقل الى: